薩其馬(俗稱馬仔)同冰花蛋散，系廣州點心中嘅兩款甜點,用料、制作、風味都較為接近，惟型格唔同啫；原料以面粉、雞蛋、麥芽糖為主,先搓好面團，再打薄，再切，再炸，再上糖漿。每個工序都好考師傅口架，特別系最后上糖漿嗰一關(guān)，糖漿嘅濃度把握系重中之重。

　　先講馬仔:糖漿嫩則散，難以成型,盞等收檔；糖漿老則硬,切唔開，亦系等收檔；只有啱啱好先至有型有款,攞得上臺賣。再講冰花蛋散:糖漿嫩則有如水過鴨背，一陣間糖漿就瀉曬落碟底；糖漿老則食時你咬佢一啖佢咬返你一啖；惟有啱啱好先至晶瑩透亮。品質(zhì)好嘅薩其馬噍落去藕斷絲連、酥中帶軟、軟中帶化、香甜可口。

　　薩其馬系以前茶樓必有品種,不過呢家就唔多見喇。唔使審,又系嫌功夫多，或者怕衰唔敢整，哪怕佢哋比咸煎餅、笑口棗高檔咗。不過就算有,我都要斟酌過，睇下嗰間茶樓嘅衛(wèi)生狀況再決定食唔食。

　　點解呢?如上所述,薩其馬有別于一般點心嘅最后先加溫,而系加溫(炸過)之后仲有幾個環(huán)節(jié)，包括存放、上糖膠、造型、切件(成品)等,媒介物既多,又全經(jīng)人手，之后直接到肚，一旦唔夠衛(wèi)生就肚仔痛痛喇。

　　但吊癮嘅街坊依然可以一飽口腹口架，各大超市嘅“沙琪馬”都食得下口架。雖然未必如傳統(tǒng)真材實料，但技藝都算過骨,更重要嘅系，睇落去企理啲、放心啲。